പെനാല്റ്റി ഷൂട്ടൗട്ട് സംഘടിപ്പിച്ചു
ഇടുക്കി: ഫിഫ ലോകകപ്പിന്റെ പ്രചാരണാര്ഥം ഇടുക്കി സിവില് സ്റ്റേഷനില് പെനാല്റ്റി ഷൂട്ടൗട്ട് സംഘടിപ്പിച്ചു. ജില്ലാ കളക്ടര് ഡോ. ദിനേശന് ചെറുവാട്ട് ഉദ്ഘാടനം ചെയ്തു. ജില്ലാ സ്പോര്ട്സ് കൗണ്സില് പ്രസിഡന്റ് മുഹമ്മദ് ഫൈസല് അധ്യക്ഷത വഹിച്ചു. സംസ്ഥാന സ്പോര്ട്സ് കൗണ്സില് അംഗം കെ.എല്. ജോസഫ്, ജില്ലാ സ്പോര്ട്സ് കൗണ്സില് വൈസ് പ്രസിഡന്റ് ജേക്കബ് ജോസഫ്, ജില്ലാ മെഡിക്കല് ഓഫീസര് ഡോ. എസ്. സുരേഷ് വര്ഗീസ്, ജില്ലാ സ്പോര്ട്സ് കൗണ്സില് എക്സിക്യൂട്ടീവ് അംഗങ്ങളായ ബേബി വര്ഗീസ്, ജെയിന് അഗസ്റ്റിന്, ജില്ലാ സ്പോര്ട്സ് കൗണ്സില് സെക്രട്ടറി ദീപ്തി മരിയ ജോസ് തുടങ്ങിയവര് പ്രസംഗിച്ചു.
അരിക്കുഴ: ലോകകപ്പ് ഫുട്ബോള് ആവേശം കുട്ടികളിലും പൊതുജനങ്ങളിലും എത്തിക്കാനും ലഹരിയുടെയും മൊബൈല് ഫോണിന്റെയും ഉപയോഗത്തില്നിന്നും കുട്ടികളെ പിന്തിരിപ്പിക്കുകയെന്ന ലക്ഷ്യത്തോടെയും അരിക്കുഴ സെന്റ് സെബാസ്റ്റ്യന്സ് എല്പി സ്കൂളിന്റെയും മേമടങ്ങ് ഹൈസ്കൂളിന്റെയും നേതൃത്വത്തില് പെനാല്റ്റി ഷൂട്ട്ഔട്ട് മത്സരം സംഘടിപ്പിച്ചു.
ആരക്കുഴ പഞ്ചായത്തംഗം അനുമോള് ജോബിഷ് ഉദ്ഘാടനം ചെയ്തു. ഹെഡ്മാസ്റ്റര് അനീഷ് കെ. ജോര്ജ് അധ്യക്ഷത വഹിച്ചു. ആവോലി പഞ്ചായത്തംഗം ഷിന്സ് പുളിക്കായത്ത്, ഹൈസ്കൂള് ഹെഡ്മിസ്ട്രസ് ലൗഷ സിറിയക്, അധ്യാപകരായ തോമസ് കുര്യന്, എലിസബത്ത് ജോര്ജ്, പിടിഎ അംഗങ്ങളായ ജോളി വര്ഗീസ്, ഡി.ജയന് എന്നിവര് പ്രസംഗിച്ചു.
വിജയികള്ക്കുള്ള സമ്മാനദാനം മൂവാറ്റുപുഴ ബ്ലോക്ക് പ്രോജക്ട് കോ-ഓര്ഡിനേറ്റര് ജിനു ജോര്ജ് നിര്വഹിച്ചു. കാവന റെഡ് മാക്സ് സ്പോര്ട്സ് ക്ലബ്ബാണ് പെനാല്റ്റി ഷൂട്ട്ഔട്ടിന് നേതൃത്വം നല്കിയത്.
കളി ഒരു ലഹരി പദ്ധതിക്ക് തുടക്കം
തൊടുപുഴ: ലോകകപ്പ് ഫുട്ബോളിനൊപ്പം തൊടുപുഴ സെന്റ് സെബാസ്റ്റ്യന്സ് യുപി സ്കൂളില് കളി ഒരു ലഹരി സീസണ് -2 പദ്ധതിക്ക് തുടക്കം കുറിച്ചു. പദ്ധതിയുടെ ഭാഗമായി സ്കൂളില് പ്രത്യേകം തയാറാക്കിയിരിക്കുന്ന പോസ്റ്റിലേക്ക് ഗോള് അടിക്കാന് എല്ലാ കുട്ടികള്ക്കും അവസരം നല്കി. ഗോള് അടിക്കുന്ന കുട്ടികള്ക്ക് സമ്മാനവും നല്കി. കഴിഞ്ഞ വര്ഷം എല്ലാ കുട്ടികള്ക്കും സ്കൂളില്നിന്നു സൗജന്യമായി ഫുട്ബോള് നല്കിയിരുന്നു. ഇതിന്റെ തുടര്ച്ചയായി രണ്ടാം ഘട്ടമായിട്ടാണ് കളി ഒരു ലഹരി പദ്ധതി നടപ്പാക്കിയത്.
നഗരസഭാ കൗണ്സിലര് ആതിര ജോഷി ഉദ്ഘാടനം ചെയ്തു. സ്കൂള് അസി. മാനേജര് ഫാ. ആന്ഡ്രൂസ് പീച്ചാട്ട്, ഹെഡ്മാസ്റ്റര് ഷിന്റോ ജോര്ജ്, ആല്ബിന് ജോസഫ്, സിനു സണ്ണി, ആശ പി. ജോര്ജ്, സൗമ്യ ജോസഫ്, അല്ഫോന്സ വര്ഗീസ്, റോയി തോമസ്, ഡിംപിള് വിനോദ് എന്നിവര് പ്രസംഗിച്ചു.
E-paper LOGIN
LOGIN